Ancelina Coli əkizlərinin fotosunu 14 milyon dollara satdı.ABŞ-ın “People” və Böyük Britaniyanın “Hello!” dərgiləri hərəyə 7 milyon dollar ödəməklə bu fotoları eksklüziv yayım hüququ əldə ediblər.
Qeyd edək ki, valideyn olmağın sevincini ikinci dəfə dadan ulduz cütlük fotoların satışından əldə olunan gəliri xeyriyyə məqsədləri üçün sərf etmək niyyətindədir. “People” rəhbərliyi bəyan edib ki, Noks Leon (Knox Leon) və Vivyen Marşelen (Vivienne Marcheline) adlı əkizlərin fotoları jurnalın 4 avqustda satışa çıxacaq sayında dərc ediləcək. Bu jurnal Ancelina Coli və Bred Pittin 2006-cı ilin mayında doğulan ilk övladı Şilo Nuvelin fotosunu 5 milyon dollara almışdı.
Xeyriyyəçilik fəaliyyəti ilə tanınan xoşbəxt cütlüyün üç bioloji övladından başqa, üç götürmə övladı da var – Meddoks (Kamboca), Peks (Vyetnam) və Zaxara (Həbəşistan).